-- ADVERTISEMENT --
GENERAL SANTOS CITY – Nagpagawas ug anunsiyo ang lokal nga panggamhanan sa Gensan nga subli nilang sirad-an ang Underpass project tunnel portion niini karung Abril 01, 2024.
Kini gumikan sumala sa Department of Public Works and Highways (DPWH) Central Office, gikatakda nga ipadayon na ang konstruksyon sa tunnel nga bahin sa Interchanges Project busa pagasirhan kini sa publiko sugod sa maong petsa.
Tungod niini subling gipahimangnuan ang publiko sa paggamit ug mga alternatibong rota o di kaha magsayo sa mga laktan hilabi sa mga gaagian sa maong konstruksyon tungod sa posibleng traffic.
