GENERAL SANTOS CITY – Musentro sa labing unang public hearing kalabutan sa re-application sa PCSO kalabut sa operasyon sa Small Town Lottery (STL) dinhi sa dakbayan ang Implementing Rules and Regulation kon IRR.
Nasayran nga karong adlawa, alas 9:00 sa buntag ang labing unang public hearing kalabutan sa subling pag-apply sa PCSO sa STL ilawom sa Commiitee on Games and Amusement gipangulohan ni Kag. Franklin Gacal.
Gihingusgan ni Kagawad Edmar Yumang nga angayang i-regulate ang mga outlets dili sama sa nahitabo kaniadto nga bisan asang dapit na lamang ang pwesto.
Lakip sa hisgutan sa hearing nga angayang may electronic generated ticket nga ihatag ang STL sa mga gataya aron masiguro nga dili malinla ang syudad.
Angayan usab nga may local draw nga mahitabo.
Hinuon, gibutyag ni YUmang nga magdepende sa mga aplikante kung sa unsa makumbinsi ang mga city councilors aron mausab ang huna-huna kalabut sa pag-operate sa STL sa syudad.
