Gipaila sa mga siyentipiko gikan sa Japan ang “g.eN,” ang giila nga labing unang oral care robot sa kalibutan nga awtomatikong manglimpyo sa ngipon nga dili na kinahanglan pang maglihok gamit sa iyang kamot.
Gihimo gamit ang teknolohiya gikan sa Waseda University Robotics Laboratory, ang g.eN adunay mouthpiece nga naay gagmayng brush heads nga molihok pataas, paubos, pawala, ug patuo aron limpyohan ang matag kilid sa ngipon sulod lamang sa dul an usa ka minuto.
Sumala sa usa ka pagtuon nga gipresentar niadtong 2022 sa Japan Society of Healthcare Dentistry, nakab-ot sa g.eN ang 22.4% nga plaque retention rate, butang nga nakapasar sa sukdanan sa “good oral hygiene” ug giingong sama ka epektibo o mas labaw pa kaysa sa naandan nga pagtoothbrush.
Ang maong device adunay nagkalain-laing mode sama sa Easy, Careful, Special Care ug Children. Kini naggamit og USB Type-C charging ug sa pagkakaron anaa pa sa crowdfunding stage. Bisan og gidisenyo kini sa sinugdanan para sa mga tawo nga adunay pisikal nga limitasyon, paspas usab kini nga nakakuha og atensyon gikan sa publiko.
