Nanawagan ang United Nations Special Rapporteur on Freedom of Opinion and Expression nga si Irene Khan sa gobyerno sa Pilipinas nga subling moapil sa International Criminal Court (ICC) og ratipakahan ang International Convention for Protection of All Persons from Enforced Disappearance.
Ang maong pahayag ni Khan natigayon human ang ika-59th session sa UN Human Rights Council, kung asa gihingusgan niya ang importansiya sa mga kasabotan aron mapakusog ang pag-protekta sa tawhanong katungod og kagawasan sa pagpadayag sa nasod.
Gisaway usab niya ang padayong ‘red-tagging, pangpanghasi og pagpakahilom sa mga mamamahayag, aktibista, og miyembro sa civil society.
Sumala sa mga taho, kapin 450 kaso sa red-tagging ang natala sa unang katunga sa 2024, kadaghanan gikan sa mga sakop sa gobyerno.
Nanawagan si Khan sa administrasyon ni Pangulong Ferdinand Marcos Jr. nga magpagawas og executive order nga direktang ginakondena ang red-tagging og silotan ang mga nalambigit niini.
Giawhag usab niya ang mga biktima sa dili makatarunganon nga pagkabilanggo og ipadayon ang mga imbestigasyon sa mga kaso sa pagpatay og pugsanong pagkawala sa mga nasampit.
Bisag giila niya ang pipila ka positibong lakang sa gobyerno gikan 2022, gibutyag niya nga dili kini paigo aron hingpit nga maundang ang naandan nga gimbuhaton sa nasod.
