-- ADVERTISEMENT --
Kinondina ng United Nations Human Rights Council ang madugong pamamaraan ng Iran laban sa mga protesters.
Ayon sa Special Procedures United Nations Human Rights Council na isang malinaw na paglabag sa karapatang pantao ang ginagawa ng Iran.
Ilan sa mga pinuna nila ay ang puwersahang pagbuwag sa isinagawang mapayapang protesta, paghuli sa mga protesters kasama na ang mga bata at pag-atake sa mga medical facilities.
Nakikipag-ugnayan na sa Iranian authorities ang UN Human Rights Council at nanawagan sila na tigilan ang madugong pagbuwag sa kilos protesta.
Magugunitang aabot na sa mahigit 1,000 mga protesters ang nasawi sa protesta na nagsimula noong tatlong linggo ang nakakalipas.
-- ADVERTISEMENT --
