Gipaabot nga moulan sa adlaw sa piniliay, matod sa Philippine Atmospheric, Geophysical and Astronomical Services Administration (PAGASA) karong Domingo sa hapon.
Base sa alas 4:00 sa hapon. Base sa weather forecast, magpadayon ang epekto sa frontal system ug easterlies nga magdala og mga pag-ulan sa nagkadaiyang dapit sa nasud.
Ang Batanes ug Babuyan Islands makasinati ug madag-umon nga kalangitan inubanan sa pat-ak pat-ak nga pag-ulan inubanan sa pagpanugdog ug kilat, nga mahimong hinungdan sa kalit nga pagbaha o pagdahili sa yuta.
Samtang, ang Metro Manila ug ubang bahin sa nasud makasinati ug panagsang mapanganuron ngadto sa madag-umon nga kalangitan inubanan sa pat-ak pat-ak nga pag-ulan.
Kasarangan ngadto sa kusog nga hangin ug kasarangan ngadto sa baluron nga kadagatan ang masinati sa extreme northern Luzon.
Sa nahabiling bahin sa Luzon, Visayas, ug Mindanao, hinay ngadto sa kasarangan nga hangin ug hinay ang pagbalud sa kadagatan.
