Hingpit na nga gibasura sa Sandiganbayan ang kataposang unom ka ill-gotten wealth nga mga kaso batok kang kanhi Presidente Ferdinand Marcos Sr., kanhi FL Imelda Marcos, Chief Presidential Legal Counsel Juan Ponce Enrile ug ubang mga indibidwal.
Ang pagbasura sa Sandiganbayan sa kaso nga may kalabotan sa coco levy fund tungod sa sobrang pagkalangay niini.
Base sa gipagawas nga 42 ka pahina nga resolusyon sa Sandiganbayan Second Division, kini nagkanayon nga adunay hilabihang kalangay sa proceedings sa kaso.
Kay niabot og 36 ka tuig ang pagkalangan sukad napasaka ang orihinal nga kaso samtang 28 ka tuig ang pagkalangan sa subdivision.
Ang kaso gisang-at sa Presidential Commission on Good Governance batok sa nahisgutang mga personalidad niadtong 1987.
