REGION 12 – Ipahigayon ning bulana ang labing ulahi nga earthquake drill karong tuiga sa Office of the Civil Defense 12.
Matud ni OCD 12 Spokesperson Jurie Mae Balmediano nga nagsugod na ang information education campaign ug promotional video use sa tanang regional Disaster Risk Reduction Management members kauban sa mga Local Government Unit.
Matud ni Balmediano nga ang matag LGU nagpili ug pilot area aron didto ipahigayon ang earthqualke drill kapartner sa OCD 12 ang taga Department of Education lakip sa mga stakeholders sa rehiyon dose.
Sa Nobyembre nuebe ang Regional awareness ipahigayon sa Lebak Sultan Kudarat usa ka lugar nga nag-atubang sa dagat.
Importante matud pa kini nga drill tungod apil bansayon ang tsumani awareness tungod linog ang gigikanan sa tsunami.
Sa mao nga adlaw magpahigayon ang regional DRRM council ug simulation exercises aron mahimong sayon ang evacuation kung adunay matigayon nga tsunami.
Kalabutan niini ang matag Barangay ang kinahanglan nga may napili na nga evacuation sites nga layo sa dagat samtang mao usabs a municipal , provincial ang pagbaton ug evacuation center.
Gumikan niini nakiglambigit na ang OCD 12 sa mga Local government unit sa rehiyon alang sa maong pagbansay.
