Nagpasidaan si Ukrainian President Volodymyr Zelenskyy nga posible ang usa ka dako nga pag-atake sa Russia batok sa Ukraine sa umaabot nga mga oras.
Sa iyang pahayag , giingon ni Zelenskyy nga kinahanglan nga magpabiling alerto ang mga lumulupyo ug seryosohon ang mga air raid warnings tungod sa giingong pagpangandam sa Russian forces alang sa usa ka lapad nga opensiba.
Matud sa lider sa Ukraine, importante nga bantayan pag-ayo ang tanang pasidaan aron malikayan ang posibleng peligro nga mahimong idulot sa mga pag-atake.
Ang pasidaan ni Zelenskyy misunod sa sunod-sunod nga mga opensiba nga gilusad sa Russia sa Kyiv ug uban pang mga siyudad sa Ukraine sa milabay nga mga semana.
Padayon ang tensyon tali sa duha ka nasod samtang nagpadayon usab ang ilang armadong panagbangi nga mikabat na og kapin upat ka tuig.
