Miabot na sa nasud nga Jordan si Ukrainian President Volodymyr Zelensky, diin iyang giingon nga adunay importante nga mga meeting nga ipahigayon atol sa iyang pagbisita.
Matud sa presidente, ang maong biyahe nakatutok sa seguridad ug pagpalig-on sa internasyonal nga kooperasyon sa depensa.
Kini na ang ikatulong nasud nga iyang nabisitahan human sa iyang pag-adto sa Qatar ug Saudi Arabia sa miaging mga adlaw.
Lakip usab sa iyang agenda ang pagpaambit sa kahibalo sa paggamit sa Ukrainian drones nga gigamit sa ilang depensa.
Nailhan ang Ukraine sa ilang drone technology nga dugay nang gigamit batok sa pag-atake sa Russia sulod sa upat ka tuig nga gubat.
Dugang pa niini, giingon nga ang maong teknolohiya mahimo usab nga makatabang sa pag-atubang sa mga hulga gikan sa Iran.
