Gikumpirma sa Ukraine nga giguba niini ang duha ka dagkong tulay sa Russia pinaagi sa paggamit sa barato nga mga drone nga nagkantidad og $600 aron pabuthon ang mines ug ammunition nga gitanum didto sa mga Russian forces.
Gibutangan na kaniadto sa Russia og mga pabuto ang duha ka mga tulay aron pabuthon kini sa higayon nga ang mga pwersa sa Ukraine kalit nga muabante.
Sumala sa Ukrainian military, gigamit usab sa Russian military ang mga tulay aron mag-resupply sa ilang mga tropa, hinungdan nga gigamit kini sa Ukraine sa ilang kaugalingon nga bentaha.
Ang 58th Separate Motorized Infantry Brigade sa Ukraine ang nagpahigayon sa operasyon, nga gilusad human namatikdan ang katingad-an nga kalihokan sa lugar.
Sa video nga nakuha sa drone, nadiskubrehan ang dakong volume sa anti-tank mine ug uban pang mga bala ug mga pipila ka mga fabric, mao nga ila kining giigo ug gipabuto.
