GENERAL SANTOS CITY – Giangkon ni Engr. Emerald Signar, labaw sa City Engineering Office (CEO) nga may mga proyekto nga naapektuhan gumikan sa problema sa COVID 19.
Sa pakighinabi sa Bombo Rdyo GenSan kang Signar, iyang gibutyag nga kini mao ang construction sa drainage canal sa area sa Dacera Avenue.
Rason sa contractor nga walay mga trabahante nga makahimo sa proyekto tungod sa limitado ang ilang kalihokan.
Iyang gihingusgan nga pwede nga mangita og trabahante ang contractror nga taga GenSan aron mapadayon ang proyekto.
Sa pamahayag ni Signar nga luyo sa rason sa contractor nga nadelatar ang proyekto ilang singlon sa liquidated damages.
Kini gumikan wala natuman ang gikasabutan nga mahuman sa tukmang panahon.
Gihingusgan pa niini nga kung taga Region 12 dili usab lisod nga makasulod sa GenSan.
Sa iyang pagtuo nga murag giabandona na ang proyekto apan ang contractor ang padayon nga naki-alayon ngadto kanila hinoon walay igong aksyon nga gihimo aron humanon ang gikasabutan.
Ang mga contractor nga taga GenSan og Sarangani ang nagpadayon sa ilang proyekto apan sa laing lugar ang maoy nagkaproblema.
