GENERAL SANTOS CITY – Gikumpirma ni Bombo International Correspondent Marissa Roxas sa Ukraine nga adunay pipila na ka mga OFWs sa Kiev ang mihawa gumikan sa nagpadayon nga tensyon tali sa Russia.
Matud pa ni Roxas nga lakip siya ang mihawa kung asa mipadulong sila sa syudad nga duol nasud Poland.
Gibutyag ni Roxas nga 10 ka adlaw ang pananghid sa amo niini nga magleave kung asa may uban nga gusto nga muhawa sa Kiev apan wala gitugtan sa ilang amo.
Gikadugang pa niini nga ang ubang employer ang nagkanayon nga kung mamugos nga maghawa sa trabaho dili na makabalik .
Gibutyag ni Roxas nga lima sila nga mga OFWs gikan sa Kiev ang nagbiyahe og adunay laing uban pa nga wala pa niya nakit-an.
Sumala pa nga human ang 10 ka adlaw og mao gihapon ang sitwasyon mubalik sila sa ilang trabaho gumikan sa kabalaka nga mawad-an og panginabuhian.
Sa iyang pamahayag nga kalmado ang kinaiya sa mga Ukrainians nga luyo sa mga balita apan kalmado sa sitwasyon.
Nasayran nga 14 na ka tuig nga gatrabaho sa Ukraine si Roxas.
