Plano sa UAAP nga tapuson og sayo ang umaabot nga UAAP Season 88 aron matabangan ang Gilas Pilipinas nga maka-qualify sa 33rd Southeast Asian Games sa Disyembre.
Matod sa mga opisyal sa UAAP, nakigtagbo na sila sa Samahang Basketbol ng Pilipinas (SBP) aron kini mahitabo lakip na ang pag-adjust sa schedule sa UAAP.
Ang UAAP ablihan sa Sabado ug gilauman nga molungtad hangtod sa Disyembre sama sa Season 87, nga milungtad hangtod sa Disyembre 15.
Hinuon, kon sundon kini sa UAAP, dili kini makaabot sa SEA Games nga gikatakda karong Disyembre 9 hangtod 20 sa Thailand.
Samtang wala pa’y pinal nga desisyon ang UAAP, apan matod sa mga taho, mahuman na ang Season 88 sa katapusan sa Nobiyembre aron mahatagan og kagawasan ang mga magdudula dili lang sa basketball events kon dili lakip na sa ubang mga sports nga mosalmot sa SEA Games.
Ang Gilas midaog sa 32nd SEA Games sa Cambodia ug mosulay sa pagdepensa sa ilang korona sa Thailand SEAG.
