Mitingog na si two-time Olympic gold medalist Carlos Yulo kalabutan sa isyu nga nahitabo sa iyang pamilya.
Sa video nga gipost, giawhag ni Yulo ang Inahan nga si Angelica Poquiz Yulo nga mag move on na sa isyu nga gikalambigitan sa pagkuha sa incentives human midaug sa competition.
Matud sa batan-ong Yulo nga gusto lamang masayran asa miadto ang kwarta gikan sa iyang premyo.
Gihatagan usab ug katin-awan ang mga tubag sa Inahan sa mga interview kalabut sa P70,000 nga incentives sa World Championships kaniadtong 2022 .
Matud niini dili lang setenta mil tungod six digit ang premyo gikan sa duha ka medalya.
Wala matud pa niini nadawat ang nahisgutang salapi ug dili usab niya kuhaon tungod iya kining gihatag.
Gidepensahan niini ang hinigugma nga si Chloe San Jose, nga branded nga “red flag” ni Angelica.
Gimahay sa iyang inahan si Chloe nga hinungdan sa wala pagsinabtanay sa ilang pamilya .
Sumala kang Yulo magpabilin nga higugmaon si Chloe bisan musupak ang iyang pamilya.
