-- ADVERTISEMENT --
GENSAN – Gipahigayon kagahapong adlawa sa usa ka convention center sa siyudad ang turnover ceremony sa 2203rd Ready Reserve Infantry Brigade diin gipili isip bag-ong commander si kanhing senador ug kasamtangang Colonel Emmanuel D. Pacquiao nga mihulip kang Colonel Orlando Labotong.
Ang seremonya gipangunahan mismo ni Major General Ramon P. Zagala, Commander sa Reserved Command sa Philippine Army.
Gipadayag ni Pacquiao ang iyang pagpasalamat sa pagsalig nga gihatag kaniya ug sa iyang katuyoan nga ipadayon ang misyon sa brigade aron mapalambo ang kahimtang sa mga reservist ug serbisyo alang sa nasud.
Usa usab kini ka timailhan sa padayon nga partisipasyon ni Pacquiao sa mga inisyatibo sa kasundaluhan gawas sa politika.
