Sarangani – Karung adlawa na ipahigayon ang turn over ceremony sa makina nga gamiton alang sa pagproseso sa Ilang -ilang project sa Maasim Sarangani.
Matud ni PENRO Sarangani Bong Tuballes nga pinaagi sa maong makina makaproseso na ang grupo sa mga kababaihan sa Maasim ug lana nga gikan sa bulak sa Ilang -ilang.
Matud niini nga sa nakalabay nga mga panahon nagtanum ug daghang puno sa Ilang -ilang sa national highway sa Alabel ug Maasim sa pagpanguna ni kanhi Vice Gobernor Bridget Chiongbian Huang apan wala na kini matagad.
Gikan matud pa sa Tarlac ang semelya sa Ilang ilang tungod ang lugar nga giila nga Ilang-ilang Capital of the Philippines.
Matud ni Tuballes nga gibitbit sa kanhi Vice Governor ang semelya ug gitanum sa taga PENRO ug dihang nanagko adunay dyes mil ka mga semelya ang gilayon nga gitanum sa grupo sa kababaihan.
Human matud pa gibiyaan sa grupo gipadayon sa Peoples Organization ug Tri Peoples Agri Association ang maong proyekto hangtud kini namulak.
Pagsaysay ni Tuballes nga nakahilak siya sa kalipay dihang mitubok ang oil nga gikan sa mga bulak sa ilang ilang dihang giproseso sa makina.
Gikabutyag usab nga daghan nga pagsulay pa ang naagi-an nilang Tuballes aron makabaton ug makita nga gipunduhan sa Department of Science and technology region 12.
