-- ADVERTISEMENT --
GENERAL SANTOS CITY – Minimal ang turn-out sa mga nagparehistro karon sa buhatan sa Comelec dinhi sa dakbayan.
Matud pa ni Atty. Mike Abas, Regional Director sa Comelec 12 nga nagapadayon ang voters registration alang sa umaabot nga local and national elections sa 2022.
Gisiguro sa nasampit nga opisyal nga ginasunod ang mga health protocol batok sa COVID 19. Gikinahanglan nga ang magparehistro ang magsul-ob og face mask, face shield og kaugalingong ballpen.
Sa iyang pamahayag nga dako kaayo ang kalahian sa voters registration karon itandi sa una nga nagdasok ang mga tawo sa mga Comelec offices apan karong panahuna, limitado ang pwedeng makasulod sa buhatan sa Comelec.
