Pipila lamang ka oras human masulod sa rekord sa Morocco ang pinakapaspas nga goal sa torneyo, gilapas dayon kini sa Paraguay.
Sulod lang sa 64 seconds, nakapuntos ang midfielder nga si Matías Galarza pinaagi sa kusog nga sipa gikan sa gawas sa penalty area.
Miabot og 60,000 ka mga tawo ang mitan-aw sa maong duwa nga gipahigayon sa San Francisco Bay Area Stadium.
Apan sa wala pa matapos ang unang half, hapit nameligro ang Paraguay human ma-red card ang striker nga si Miguel Almirón sa stoppage time (45+3) tungod sa komprontasyon nila ni Mert Müldür sa Turkey.
Sa ikaduhang half, gipaningkamotan sa Turkey nga makabawi pinaagi sa pagdominar sa duwa, nga nakakuha og 80% possession ug nakapahimo og 32 ka shot attempts pinaagi nila Arda Güler ug Kenan Yıldız.
Apan napugngan kini tanan sa Paraguayan goalkeeper nga si Orlando Gill, hangtod nga natapos ang duwa.
Tungod sa maong kapildihan, opisyal nang na-eliminate ang Turkey sa World Cup human wala makakuha og puntos sa duha ka sunod-sunod nga duwa, ug nahimo silang ikaduhang koponan nga natangtang sa torneyo sunod sa Haiti.
Ang Paraguay nakatigom usab og 3 puntos ug nagpabiling adunay tsansa nga makasulod sa knockout stage sa FIFA World Cup 2026.
