Kapin sa 1,000 ka mga tawo ang nagtigom sa sentral nga Istanbul, Turkiye aron ipahigayon ang usa ka kilos-protesta batok sa Estados Unidos ug Israel.
Giorganisar kini sa usa ka religious conservative NGO isip pagpahayag sa ilang pagbatok sa nagpadayon nga gubat sa Iran, Lebanon, ug Palestine.
Giakusahan sa mga nagprotesta ang US ug Israel sa padayon nga pag-atake sa Iran ug sa pagkondena sa pagguba sa Al-Aqsa Mosque.
Nananawagan usab sila nga hunongon na ang gubat tungod kay nagkagrabe ang kadaot ug nakaapekto na sa mga kasikbit nga nasud sa Iran.
Gipasiugda sa mga nagkilos-protesta ang kalinaw ug diplomatikong solusyon aron malikayan ang dugang kagubot sa rehiyon. Ang maong rally nagpabilin nga malinawon ug gibantayan pag-ayo sa mga awtoridad sa lugar.
