GENERAL SANTOS CITY – Wala makatiwas si Konsehal Dominador Lagare Jr sa pag-atender sa ika 52 nga regular session sa Sangunian Panglungsod human gipagawas sa sesyon hall kuyog ang Sargeant at Arms.
Kini human misagbat kang Konsehal Edmar Yumang samtang gipangutana si Public Safety Office Head Atty Jong Gonzales .
Nagpatas-anay sa ilang tingog ang duha ka konsehal tungod gihisgutan ang gamay nga ihap sa nakapasar sa pagkuha ug prangkisa.
Diha-diha gipatawag ni Vice Mayor Rosalita Nuñez si retired col. Wellie Ramos ug giubanan pagawas sa session hall si Konsehal Lagare.
Una nga gipapanas nilang Vice Mayor Nuñez ug Konsehal Edmar Yumang sa minutes ang ulahing pulong nga gilitok ni Konsehal Lagare.
Dili matud pa haum sa usa ka honorable nga mugamit sa pulong nga ginagamit sa mga bugoy bugoy.
Matud ni Vice Mayor Nuñez nga iyang gipasidan-an si Lagare nga sundon ang ilang house rules apan wala siya paminawa hinungdan gipalihok ang sergeant at arms.
Gibutyag usab niini nga dili kini ang unang higayon nga iyang gibadlong si Lagare dungan sa pag-angkon nga nasayop siya sa pagtolerate sa nahisgutang opisyal.
Nasuta nga kini ang unang higayon nga adunay Konsehal nga gipagawas sa session human nagpakita sa iyang pagka unprofessional sa session hall.