Usa sa pinaka- giandam nga highlight sa kapistahan karong tuig mao ang Tuna Festival Job Fair 2025 nga ipahigayon karong Setyembre 3, 2025, alas-9 sa buntag hangtod alas-4 sa hapon sa Veranza Activity Center.
Gisiguro sa mga organizers nga daghan og oportunidad ang naghulat alang sa mga nangita og trabaho.
Tampok dinhi ang gatusan ka job openings gikan sa dagkong kumpanya ug lokal nga establisemento nga buot mang-hire og bag-ong empleyado.
Usa sa giandam nga atraksyon mao ang on-the-spot interviews diin posible nga makadawat dayon og trabaho ang aplikante nga andam sa ilang requirements. Lakip usab sa mga benepisyo sa maong job fair ang pagtagbo sa top employers gikan sa rehiyon ug sa ubang lugar, nga magahatag og dugang impormasyon ug career options alang sa mga aplikante.
Gipahimangno sa Department of Labor and Employment (DOLE) ug sa lokal nga organizers nga andamon na sa mga aplikante ang ilang credentials sama sa bio-data, resume, valid IDs ug mga supporting documents, aron mas paspas ug hapsay ang proseso.
