Tulo patay sa pagpamusil sa Tupi

TUPI, SOUTH COTABATO- Tulo ang patay human gipangpusil sa mga nakamotorsiklo nga suspek sa Brgy Poblacion, Tupi, South Cotabato, Huwebes.

Giila ang mga namatay nga silang Denver Hipe, Ernemel Jancan, ug Sonny Heguera, pulos mga residente sa lugar.

Base sa inisyal nga report gikan sa Tupi Municipal Police Station, nag-inum ang tulo sa panimalay ni Heguera dihang kalit miabot ang duha ka motorsiklo, usa ka scooter ug XRM.

Kalit gipangpusil sa duha ka backrider gikan sa duha ka motorsiklo ang mga biktima.

Dead on the spot si Jancan, samtang nadala pa sa balay-tambalanan ang duha ka higala, apan nakabsan gihapon sa kinabuhi.

Nagpadayon pa ang imbestigasyon sa kapulisan sa motibo sa krimen.