Gihukman ug reclusion perpetua ang tulo ka suspek nga may kalabutan sa pagkamatay ni Cadet 4th Class Darwin Dormitorio kaniadtong Setyembre 2019.
Sila si former PMA 3rd Class Shalimar Imperial Jr. ug Felix Lumbag Jr., kauban si 3rd Class Julius Carlo Tadena.
Sa desisyon ni Baguio City Regional Trial Court Branch 5 Presiding Judge Ligaya Itliong-Rivera, gihukman ug reclusion perpetua nga may pagkabilanggo hangtud kwarenta ka tuig ang mga nahisgutan tungod sa pagsupak sa Anti-Hazing Act of 2018 ug pagpatay .
Gimultahan usab silang Imperial ug Lumbag ug tig P3M matag usa tungod sa hazing.
Lakip sa kamandu-an ang pagbayad ug solidarity pay ang mga kabanay ni Dormetorio ug P75,000 sa civil indemnity samtang P75,000 nga moral damages, P25,000 temperate damage ug P100,000 attorney’s fees.
Samtang si Tadena ang gimultahan ug P2M. ,
Una nga gihukman sa Municipal Trial Court for Cities Branch 1 sa Baguio si Tadena ug lesser physical injuries ug si Cadet 2nd Class Christian Zacarias ug slight physical injuries kaniadtong 2023.
Namatay ang 20-anyos nga si Dormitorio kaniadtong Setyembre 18, 2019 tungod sa grabe nga pagpangdagmal sa iyang mga upperclassmen.
