GENERAL SANTOS CITY – Patay ang usa katao human ang karambola sa tulo ka sakyanan sa AOR sa Tambler Police Station.
Giila ang biktima nga si Alejandro Elijino Sr, 45 anyos, pasahero sa traysikad samtang samaron ang driver sa sikad nga si Camelo Damalerio 66, taga Labangal nga anaa karon sa ospital.
Sa imbestigasyon sa GenSan-Traffic Management Unit , natigayon ang aksidente sa dalan alas sais kagabie nga gilangkoban sa Ford ranger, Toyoto fortuner nga nakaangkon ug samad sa kalawasan og traysikad.
Pa-Tambler ang Ford Ranger samtang ang traysikad og Fortuner ginasubay ang kadalanan paingon sa GenSan Fishport dihang nahitabo ang banggaanay hinungdan sa pagkalagpot sa biktima og driver sa traysikad.
Ang tulo ka sakyanan ang kustodiya na karon sa TMU alang sa dugang imbestigasyon.
