Tulo ka mga Filipino ang nasikop sa mga otoridad sa China tungod sa giingong kalambigitan nila sa kaso sa espiya.
Kini gikumpirma karon sa Chinese state media Global Times pinaagi sa ilang social media post.
Base sa mga detalye nga gipaambit sa maong Chinese state media, nagpahigayon og imbestigasyon ang mga awtoridad sa China ug nadiskubrehan nila nga dugay na nga nagpahigayon og information gathering ang Philippine intelligence agencies.
Giingong ang operasyon niini magtutok sa mga deployment sa militar sa China.
Sa pagkakaron wala pay komento ang Philippine Embassy sa maong nasud.
Kon kahinumdoman, pipila ka mga Chinese national nga nalambigit sa espiya ang nasikop usab dinhi sa Pilipinas nunot sa pagpalig-on sa AFP sa ilang intelligence ug cyber defense operation.
