GENERAL SANTOS CITY – COVID 19 free na ang tulo ka munisipyo sa Sarangani human wala nay natala nga aktibu nga kaso sa coronavirus disease.
Kini mao ang Maasim, Glan ug Malapatan, hinungdan nga gikalipay kini sa mga opisyales ug katawhan. Nasuta nga ang Glan ang mukapin na nga usa ka bulan nga walay natala nga positibu sa COVID 19 gikan kaniadtong Disyembre 17.
Ang Malapatan usab ang wala nay active case gikan Enero 12 samtang ang Maasim ang pipila ka adlaw na usab nga naa sa COVID-free status.
Sa datus sa Department of Health sa Rehiyon dose kagabii, , kinse kabuok ang ang active case sa Malungon, trese sa Alabel, duha sa Maitum, ug usa sa Kiamba.
Nagpabilin usab nga naa sa pinaka ubos nga ihap sa aktibu nga kaso ang probinsya kumpara sa ubang mga lugar sa Rehiyon Dose.
Kini human natala nga adunay 31 ka aktibu nga kaso samtang misutoy na pag-ayo ang Sultan Kudarat nga may 129, samtang ang silingan nga syudad sa General Santos adunay 109, ang South Cotabato adunay 105, ug 89 usab sa North Cotabato.
Nahimo usab nga 147 ang ihap sa namatay sa tibuok rehiyon nga konektado sa Coronavirus.
Kini gilangkuban sa 67 sa Heneral Santos, 29 sa South Cotabao, 24 sa North Cotabato, 15 sa Sarangani, ug 12 sa Sultan Kudarat.
