GENERAL SANTOS CITY – Gikumpirma ni Captain Arvin Encinas, tigpamaba sa 6th Infantry Division Philippine Army nga tulo ka BIFF member ang naaresto sa checkpoint nga gipahigayon sa Datu Saudi-Ampatuan, Maguindanao sa miaging adlaw.
Wala una gipanganlan sa opisyal ang mga nasampit apan gikatakda nang pasakaan og kaso. Sumala pa ni Encinas, adunay dalang mga suplay sa pagkaon og mga bala ang tulo ka BIFF members dihang naharang sa tropa sa militar.
Sa gihimong pagsusi sa kasundalohan, nasayran nga padulong sa Datu Piang, Maguindanao ang mga nasampit aron maghatud og mga pagkaon og mga bala ngadto sa mga kaubanan.
Kasong pagsupak sa illegal possession of ammunition ang atubangon sa mga dinakpan.
Sa pamahayag ni Captain Encinas, nagpabiling nakaalerto ang ilang tropa sa mga lugar nga nalangkob sa ilang area of resposibility aron mapugngan ang mga posibleng dautang himuon sa walhong grupo.
