Uso gyud karon mao ang crop tops ilabi na sa kababainhan.
Kini tungod bugnaw sa lawas og komportable kaayo nga sul-ubon.
Bisan gani sa lalaki, nagsul-ob usab og crop top ang two-time Olympic gold medalist nga si Carlos Yulo nga gi-istoryahan gyud sa halos tibuok Pilipinas nga mahiligon sa fashion trend.
Apan unsaon kun tungod sa imong crop top, papanaugon ka sa imong gisakyan? Nahitabo kini sa tulo ka babaye nga interesado nga magpasaka og reklamo batok sa usa ka kumpaniya sa eroplano human sila gipanaog tungod lamang sa ilang gisul-ob.
Nagsugod ang insidente dihang nagsakay ang managhigala nga silang Tara Kehidi og Teresa Araujo nga gikan sa Los Angeles, California og paadto unta sa New Orleans, Louisiana. Dihang misaka pa lamang ang duha, nagsul-ob pa sila og sweater, apan gihukas nila kini tungod wala pa ginapaandar ang air conditioning system sa cabin samtang wala pa naka-take off ang eroplano.
Pagkadugay-dugay, sumala sa istorya sa duha, giduolan sila sa usa ka lalaki nga flight attendant og agresibo sila nga gisultihan nga magsul-ob ug sapot.
Nadunggan kini sa usa pa ka babaye nga pasahero nga si Carla Hager nga sa maong higayon adunay kauban nga batang lalaki.
Gisuportahan niini ang managhigala tungod alimuot gyud usab sa maong higayon og timing usab nga naka-crop top siya og naka-sweater.
Tungod sa komosyon, gihukas usab niini ang iyang sweater tungod gusto gani niini ipakita ang iyang suporta sa managhigala bisan dili usab sila magkaila.
Sa ulahi, tulo gyud sila ang gipanaog sa flight og wala gihatagan og refunds.
Bisan ang ikatulo nga babaye, wala nakaluwas gani gibitbit niini ang iyang anak samtang gipagawas sa aircraft.
Sumala kang Tara og Teresa, gisultihan pa nila ang attendant kung pwede nga magsul-ob lang sila pag-usab og sweater, apan wala na gitugotan og ulahi na ang tanan.
Migasto ang duha og 1,000 US Dollar ukon P57,000 alang sa last-minute flight paadto sa New Orleans tungod didto sila magsaulog sa birthday ni Tara.
Hilabihan ang kalain sa ilang buot sa nahitabo tungod daw sama nga gikonsidera sila nga mga criminal tungod lamang sa ilang pagsul-ob og crop top.
Base sa Contract of Carriage sa airline company, mahimo nila babagan ang customer ukon pasahero kun sila ang naga-tiniil lang ukon dili sakto ang sapot nga gisul-ob sama sa mga crop top
