GENERAL SANTOS CITY -Tulo ka matang sa ilegal nga droga ang gigamit sa mga adik dinhi sa Rehiyon 12.
Matud pa kang Philippine Drug Enforcement Agency kon PDEA 12 Regional Director Gil Castro nga kini mao ang shabu, mariwana, og ecstacy.
Hinoon iyang gipaklaro nga gamay lamang ang gagamitan sa ecstacy gumikan mahal kaayo.
Kasagaran kini gigamit sa mga concerts nga iyang gihimong ehemplo sa usa ka dakong mall sa Kauluhan nga adunay lima ka mga concert goers ang namatay.
Sa iyang pamahayag nga sayon nga masayran kung gagamitan og ecstacy ang usa ka tawo gumikan gusto ang hayag og may dala nga tubig kung asa gasayaw nga mag-inusara.
Kung dili maka-inum og tubig makuyapan og atakehon sa sakit sa kasing kasing bisag batan-on pa.
Matud pa ni Castro nga sa susamang aktibidad nakatutok ang ilang mga ahente aron masayran kung adunay gagamitan og ecstacy nga ilang gitawag nga profiling.
