GENERAL SANTOS CITY– Anaa sa kustudiya karon sa kapulisan ang tulo ka mga lalake nga nangransak sa balay sa usa ka pulis sa Aganland, Lagao ning syudad.
Ang mga dinakpan ang giila sa Lagao PNP nga silang Jefrrey Asinas 31, anytos, walay trabaho og minyo, Raymund Asinas, 22 anyos og si Alejandro Llanan nga pulos mga residente sa Bo. Blaan, Labangal ning syudad.
Natigayon ang insidente kadlawon sa miaging adlaw sa dihang hinanok ang katulogon apan nakamata ang pulis nga usa ka babaye nga adunay kasikas.
Nagbangon ang nasampit og nakit-an ang mga kawatan kung asa siya gitutukan og kutsilyo sa usa ka lalake.Apan nakapabuto og pusil ang maong pulis kung asa naigo ang usa sa mga responsable.
Nasikop silang Jefrrey og Raymund apan nakasibat ang usa.
Sa gihimong follow operation nadakpan si Alejandro sa ilang panimaly sa Labangal. Gibutyag nga P10,000 ang nakuha sa mga responsable.
Ang usa nga naigo sa dughan ang nagpabilin nga nagpaalim sa ospital.
