GENERAL SANTOS CITY – Tulo ka barangay captain sa dakbayan sa Heneral Santos ang gituki sa Blue Ribbon committee sa Sangguniang Panlungsod tungod sa mga reklamo batok sa mga nasampit.
Matud kang Kagawad Atty. Dominador Lagare Jr. nga ang maong mga reklamo ang batok nilang Buayan Brgy. Captain Rogelio Solis, Fatima Brgy. Captain Reynante Curit ug Bawing Brgy. Captain Rey Benitez.
Gikabutyag nga may upat ka reklamo batok kang Solis nga gidungog , una ang kaso sa maong kapitan batok sa pito ka kagawad kalabutan sa pagbaligya sa culvert nga iya sa gobyerno, ikaduha, may kalabutan sa kaso batok kang Solis nga STL booth nga anaa sulod sa 200 meters gikan sa day care center, ikatulo, kabahin sa gasolina nga gigamit sa ubang katuyuan ug P400-K nga kantidad sa Kababayan center nga gigamit sa personal nga katuyuan sa kapitan.
For resolution na ang unang kaso samtang ang ikaduha, ikatulo ug ikaupat nga reklamo ang on-going pa ug si Kapitan Solis ang gapresenta sa iyang depensa samtang ang mosyon sa preventive suspension batok sa nahisgutan ang takda pang ipagawas.
Sa bahin ni Fatima Brgy.Captain Reynante Curit, nakapanaog na og preventive suspension for 30 days ang Blue Ribbon committee ug natanggong pa ang pagpatuman tungod sa COVID-19 samtang si Kapitan Rey Benitez, sa Barangay Bawing, ang nagpawalay sala sa nahisgutang kapitan sa reklamo sa usa ka private individual.
