GENERAL SANTOS CITY – Giablihan na ang tulay nga nagsumpay sa Barangay dadiangas Heights ug Barangay Apopong nga magpadali sa mga motorista pagawas ug pasulod sa syudad nga dili na muagi pa sa national highway junction Mabuhay road ug crossing Bulaong ning syudad.
Ang P93.6M nga tulay ang nahimutang sa Yumang extention nga nagsumpay sa Purok Olaer sa Apopong ug Yumang extention sa Dadiangas Heigths ang sentro sa hisgutanan sa Konseho human nalangan ang pag-abli .
Mao kini ang dali nga rota pagawas sa syudad agi sa Dadiangas Heigths lahos sa Purok Formos ug Purok Olaer ug ang gawasan niini sa national highway atbang gayud sa Forest Lake cemetery isip pagpangamdan sa syudad sa paghuot sa trapiko tungod nagsugod na ang pagtrabaho sa contructor nga muhimo sa mabuhay under pass project.
Basi sa record sa DPWH gisugdan ang paghimo sa tulay kaniadtong Mayo 10, 2021 ug mahuman unta kaniadtong Desyembre 05, 2021 apan nalangan tungod nadugayan ang pagpahapsay sa road right of way.
