Eksaktong alas 5:49 sa hapon, pormal nga nadawat sa Senate impeachment court ang answer ad cautelam o tubag ni Bise Presidente Sara Duterte kalabot sa writ of summons nga giisyu kaniya.
Ang dokumento gipadala ni messenger Arnel Barrientos Jr. sa Fortun, Narvasa, & Salazar, ang law firm nga magrepresentar ni VP Sara sa husay.
Unom ka baga nga kopya ang gipadala sa clerk of court o sa opisina ni Senate Secretary Renato Bantug Jr.
Ang kopya sa tubag ni VP Sara sa writ of summons kay 35 ka pahina .
Sa answer ad cautelam, giingong void ab initio o void ang kaso sukad pa sa sinugdanan diin gusto sa kampo ni Duterte nga ma-dismiss ang kaso.
Una, gihatagan si Duterte og non-extendible nga panahon nga napulo (10) ka adlaw sa pagsumite sa iyang tubag gikan sa pagkadawat sa writ of summons ug kopya sa reklamo, subay sa Article 7 sa impeachment rules.
Nadawat sa iyang opisina ang kopya kaniadtong Hunyo 11.
Ang clerk of court Bantug kutob ra sa alas 7 sa gabii para maghulat sa tubag ni VP Sara
Muhatag usab ug kopya sa tubag ni VP Sara kang Senate President Francis “Chiz” Escudero, Impeachment Court Spokesperson Atty. Reginald Tongol ug i-circulate sa tanang senador.
