Mitaas ang satisfaction og trust rating ni Pangulong Ferdinand Marcos jr. karong bulana, samtang miubos usab ang ratings ni Vice President Sara Duterte.
Subay sa survey sa polling firm nga Tangere, medyo mitaas sa 46.9% ang satisfaction rating ni PBBM gikan sa 46.4% nga nakuha niini kanidtong setyembre.
Nagpabilin usab nga taas ang ihap sa mga Pilipinong nagsalig sa pagdumala ni PBBM sa nasud , nga miabot sa 59.3% gikan sa kanhi 58.8%.
Samtang miubos usab sa 48% ang satisfaction rating ni Vice President Duterte, gikan sa 48.7% nga nakuha niini sa miaging bulan.
Miubos usab ang trust rating sa ikaduha nga pangulo sa 56%, gikan sa kanhi 56.8%.
Gipahigayon ang maong survey sugod Oktubre 16 hangrtod 19 sa 2,000 repondents pinaagi sa usa ka mobile-based application.
