Magkita si US President Donald Trump ug Russian President Vladimir Putin sa Alaska sunod Biyernes aron hisgutan ang mga lakang sa gubat sa Ukraine.
Gipahibalo ni Trump nga sa Agosto 15 ang meeting pinaagi sa social media ug kini sa ang gikumpirma usab sa Kremlin spokesperson, kinsa miingon nga ang lokasyon “quite logical” tungod sa kaduol sa Alaska sa Russia.
Si Presidente Volodymyr Zelensky miingon nga ang bisan unsang mga solusyon kinahanglan maglakip sa Ukraine, ug gidugang nga andam siya nga makigtambayayong sa tanan nga mga kauban padulong sa usa ka “lasting peace”.
Ang pag-anunsyo sa meeting pipila lang ka oras human giingnan ni Trump nga kinahanglan nga itugyan sa Ukraine ang teritoryo aron tapuson ang giyera, nga nagsugod sa Russia’s full-scale invasion sa silingan niini kaniadtong Pebrero 2022.
