Andam na makigpulong si US President Donald Trump sa Presidente sa Russia nga si Vladimir Putin, bisan ug wala pa siya nakig-istorya kay Ukraine President Volodymyr Zelensky.
Gipahibalo kini sa kampo ni Trump pagkahuman sa nagkasumpaki nga mga taho gikan sa Kremlin ug White House bahin sa usa ka giingon nga gikatakda nga summit tali ni Trump ug Putin.
Sumala sa White House, walay miting nga nakumpirma, ug kinahanglan una nga makigtagbo si Putin kang Zelensky kung adunay usa ka trilateral meeting nga ipahigayon.
Sumala sa White House Press Secretary Karoline Leavitt, abli si Trump nga makigtagbo kang Putin bisan kung gusto niya nga adunay trilateral nga mga pakigpulong nga naglakip sa Ukraine.
Samtang, gikumpirma sa Kremlin pinaagi sa adviser ni Putin nga si Yuri Ushakov nga usa ka lokasyon ang nasabutan alang sa meeting, usa niini ang United Arab Emirates, nga kaalyado sa Russia sa posible nga pag-host sa summit.
Ang Presidente sa Ukraine nga si Zelenskyy kusganong miinsistir nga ang Ukraine ug Europe dili mahimong biyaan sa bisan unsang mga pakigpulong sa pagtapos sa gubat.
