Nag-trending karon sa social media ang fake news nga adunay caption nga “Trump is Dead”, apan ang ang White House wala pay pahayag kabahin niini .
Nagsugod kini sa pag-trending sa internet human si US President Donald Trump wala nakita sa publiko sa pipila ka mga adlaw.
Katapusang nakit-an si Trump sa publiko kaniadtong Agosto 26 sa dihang nanguna siya sa usa ka televised cabinet meeting.
Sukad kaniadto, wala na siya motambong sa bisan unsang public events nga nakapadugang sa mga kabalaka bahin sa iyang nahimutangan. Wala usab siyay public events ning Sabado ug Domingo.
Bisan pa niini, ang Republican leader nagpabilin nga aktibo sa iyang platform sa social media nga Truth Social, diin siya nag-post kaniadtong Sabado sa buntag ug gisaway ang korte sa US tungod sa desisyon niini bahin sa iyang gipahamtang nga taripa.
Naukay usab ang isyu sa kahimsog sa 79 anyos nga si Trump human bag-o lang namatikdan ang usa ka bun-og sa iyang tuo nga kamot nga dali usab nag-viral sa social media.
Ang pagkawala ni Trump sa mata sa publiko nalambigit usab sa bag-o lang nga pamahayag ni Bise Presidente JD Vance sa US kaniadtong Agosto 27 nga andam siyang molingkod sa pagka-presidente kung mahitabo ang “terrible tragedy”apan iyang giinsister nga ang Presidente sa US “fit and energetic” gihapon, apan wala ni gisalikway ang mga posibleng mahitabo.
Gidala usab sa uban ang panagna sa The Simpsons creator nga si Matt Groening sa San Diego Comic-Con nga kaniadtong Hulyo bahin sa giingon nga pagkamatay ni Trump.
Ang pasundayag adunay taas nga kasaysayan sa paghimo og makalilisang apan tukma nga mga panagna bahin kang Trump gikan sa iyang kadaugan sa eleksyon sa 2000 hangtod sa stroyline sa re-election kaniadtong 2015.
