Nagsang-at ug kaso kaso batok sa administrasyong Trump ang tulo ka mga huwes sa International Criminal Court (ICC) ang human sila gisilotan sa miaging tuig tungod sa ilang mga desisyon sa mga imbestigasyon sa ICC.
Si Judge Kimberly Prost, Solomy Balungi Bossa, ug Reine Alapini-Gansou nag-ingon nga ang mga silot gigamit aron pugson ug silotan sila tungod sa ilang mga desisyon isip mga huwes.
Nangatarungan sila nga ang mga silot nga gipahamtang ilegal ug adunay dakong epekto sa ilang adlaw-adlaw nga kinabuhi, lakip ang paggamit sa mga serbisyo sa pagbabangko, credit card, online platform, ug uban pang mga transaksyon sa pinansyal.
Ang administrasyong Trump kaniadto nagpahamtang og mga silot human ang ICC nag-isyu og warrant of arrest alang kang Israeli Prime Minister Benjamin Netanyahu ug may kalabotan sa mga imbestigasyon sa giingong mga krimen sa gubat sa Afghanistan.
Ang lakang sa mga huwes giisip nga usa ka importante nga tubag sa pagdepensa sa ilang integridad ug kagawasan sa paghimo og desisyon ubos sa internasyonal nga balaod.
Ang mga international observers nagpadayon sa pagmonitor sa epekto niini nga kaso sa relasyon tali sa Estados Unidos ug sa ICC.
