Gipanghimakak ni US President Donald Trump ang taho nga giingon niya nga atakehon sa Ukraine ang Moscow gamit ang mga long-range weapons gikan sa Estados Unidos.
Sumala sa usa ka taho nga gipagawas sa Financial Times, gipangutana sumala pa ni Trump si Ukrainian President Volodymyr Zelensky kung mahimo ba niyang bombahan ang Moscow ug St. Petersburg butang nga gipanghimakak sa White House og gibutyag nga nangutana lamang matod pa ang US President.
Sa samang higayon, gipahibalo ni Trump ang bag-ong kasabutan sa pagpadala og mga military weapon sa Ukraine, lakip ang mga Patriot missile, ug naghulga og 100% nga taripa kung dili makab-ot ang ceasefire sulod sa 50 ka adlaw alang sa mga nasud nga namalit og lana gikan sa Russia.
Nakakuha kini og pagsaway gikan sa pipila ka mga supporters ni Trump, kinsa miingon nga dili kini gubat sa America.
Samtang, mibwelta usab ang Kremlin mibalik, og nag-ingon nga ang paghatag ni Trump og taas nga taripa usa lamang ka timailhan nga gusto niya nga palapdan ang panagbangi.
