Nabutang na usab sa headline si US President Donald Trump human gi-post ang AI-generated video ni kanhi President Barack Obama nga gidakop sa Federal Bureau of Investigation samtang anaa kini sa iyang kiliran nga adunay tam-is nga mga pahiyom.
Sa Truth Social post, gipaambit ni Trump ang usa ka TikTok video sa lainlaing mga Demokratiko, lakip si Obama, nga nag-ingon nga walay usa nga labaw sa balaod.
Sulod sa 45-segundos nga AI-generated video, si Trump ug Obama nakita nga naglingkod sa Oval Office sa wala pa si Obama gidakop sa mga ahente samtang ang kanta nga “YMCA” ang nagtingog isip music background.
Gawas usab sa pagdakop, aduna usab eksena nga nagsul-ob og orange nga jumpsuit si Obama samtang anaa kini nabalhog sa prisohan.
Gidugang usab niini nga kapin sa 100 ka dokumento ang ilang ipagawas diin nakalatid ang mga ebidensya kung giunsa ang panagkunsabo nga gimando ni President Obama pipila lang ka semana sa wala pa siya mobiya sa katungdanan human napili na si Presidente Trump.
