GENERAL SANTOS CITY – GENERAL SANTOS CITY – Gipangunahan ni Geraldine Zamora, Licensing Officer IV sa Business Permit and Licensing Division ang temporaryo nga pagpasirado sa Tropicana Beach Resort human sa kontrobersiya nga nagkaguliyang.
Base sa abiso ni Zamora nga misupak sa Executive Order number 13 nga gipatuman sa syudad ang pagpahigayon ug panagtapok sa mga tawo gumikan sa reggae concert nga nagresulta sa dinaganay human adunay nanglabay ug bangko ug bottled water.
Ang buhatan ni Zamora maoy naghatag ug business permit sa mga negosyo sa dakbayan nga mao usab ang implementing arms sa lokal nga gobyerno kung adunay bayolasyon nga mahitabo hilabi sa panahon sa pandemya.
Kahibaluan nga misulat ang organizer sa maong event sa syudad apan gibasura pinaagi ni Executive Assistant to the Mayor Dave Areglado.
