-- ADVERTISEMENT --
Gipanghimakak ni kanhi Senador Antonio Trillanes IV nga nibisita siya ni kanhi Presidente Rodrigo Duterte sa International Criminal Court (ICC) detention center sa The Hague, Netherlands.
Kini luyo sa alegasyon ni Davao City Representative Paolo Duterte nga gimandoan sa gobyerno si Trillanes nga ipa-“welfare check” ang kanhi presidente.
Ang pamahayag ni Rep. Duterte nigawas human gi-share ni Trillanes ang litrato sa iyang social media samtang naa siya sa gawas sa ICC detention center.
Kahinumduman nga gisupak sa pamilyang Duterte ang pagbisita sa embahada sa Pilipinas ngadto sa kanhi presidente alang sa “welfare check” nga wala matod nila pahibaw-a.
