Gisalikway ni kanhi Senador Antonio Trillanes IV ang mga taho nga si kanhi Presidente Rodrigo Duterte nakuyapan ug napalgang walay panimuot samtang gitanggong sa International Criminal Court (ICC) detention center sa The Hague, Netherlands.
Matod ni Trillanes nga dili tinuod ang maong hitabo, ug iyang giinsister nga dunay andam nga medical team sulod sa detention center, dugang sa mga ambulansya nga naghulat sa gawas.
Dugang pa nga singko minutos lang ang gilay-on sa maong tambalanan gikan sa ICC, busa imposible nga di dayon maatiman ang kanhi presidente.
Dugang ni Trillanes nga walay basehanan ang pangangkon nga dunay problema sa memorya si Duterte, sanglit ang iyang abogado nga si Atty. Nicholas Kauffman, una nang namahayag nga si Duterte adunay mga kakulangan sa panghuna-huna.
Ang pamahayag ni Trillanes tungod sa pamahayag ni Bise Presidente Sara Duterte nga napalgang walay panimuot ang iyang amahan sa salog sa iyang detention room sa ICC ug kinahanglang ipaubos sa laboratory test ang kanhi presidente.
Matod niya nga wala dayon gipahibawo ang pamilya sa nahitabo ug wala kunoy katin-awan ang ICC.
Gisaway usab ni VP Sara ang giingong pagpabaya sa ICC, apil na ang kakuwang sa hinanaling pagtubag sa mga yanong panginahanglanon sa medisina sa kanhi presidente sama sa pagpatambal sa iyang ingrown toenail.
