Nagtuo si kanhi Senador Antonio Trillanes IV nga adunay pipila ka mga lihok o pamaagi nga gihimo aron mapugngan ang impeachment trial ni Vice President Sara Duterte.
Sumala kang Trillanes, adunay mga lakang nga ginabuhat sa kampo ni VP Sara ug sa iyang mga supporters aron mapugngan ang pagpadayon sa trial.
Usa sa mga giingong lakang mao ang paggawas ug padayon nga paghimo og mga istorya nga naglambigit sa 18 ka kanhing bodyguards ni Zaldy Co aron dauton ang mga personalidad nga nagduso sa impeachment complaint.
Lakip usab niini, sumala niya, ang pipila ka destabilization efforts aron mapugngan ang trial o malimbungan kini sa mga kontrobersiyal nga isyu.
Giinsistir ni Trillanes nga gusto sa kampo sa ikaduhang pangulo nga mahimong hinungdan ang trial sa usa ka “political outrage” ug mapabor kanila ang opinyon sa publiko, apan wala matod pa kini nahitabo.
Tungod niini, gilauman niya nga mohimo pa og ubang pamaagi ang maong kampo aron mapugngan ang pagpadayon sa kaso. Sa laing bahin, una nang gipahayag sa defense team ni VP Sara nga andam ang kampo sa bise presidente sa pag-atubang ug pagtubag sa mga alegasyon sulod sa impeachment court.
Una nang gisugdan ang unang pre-trial conference alang sa impeachment trial sa bise presidente niadtong Hunyo 18, 2026.
