GENERAL SANTOS CITY – Samaron ang usa ka tricycle driver human gipusil sa naka-motorsiklo nga suspek.
Giila ang biktima nga si Joel Morqia, 39 anyos, taga Brgy Sinawal ning dakbayan. Nahitabo matud pa ang insidente alas-8:50 kagabii sa Prk 7 Sto Nino, Brgy Apopong ning siyudad, samtang pauli na ang suspek.
Kalit matud pang miagi ang motorsiklo nga maneho sa suspek ug kalit nga namusil hinungdan nga naigo ang biktima sa wala nga kamot. Giimbestigahan na sa kapulisan ang naasoy’ng insidente.
Samtang, na-operahan na ang usa pa ka traysikad driver human gidunggab sa mga kauban niyang driver.
Kahibaluan nga ang biktima giilang si Wilfredo Monteclaro Sr., 39 anyos, taga-Brgy Fatima ning dakbayan, kung asa nagpabilin pa kining nagpaalim sa Dr. Jorge Royeca Hospital.
Natigayon ang insidente pasado alas-3:00 kagahapon sa hapon sa Blk 3 Prk 11-C sa naasoy’ng barangay.
Nag-ilog matud pa ang biktima ug suspek mga nga giilang sila si Alyas Tabon, Bunso ug Dodong sa ilang pasahero, hinungdan nga nagsinumbagay nga misangko sa pagdinunggabay.
Sa pagkakaron nagpadayon ang hot pursuit operation sa kapulisan batok sa mga suspek.
