-- ADVERTISEMENT --
GENERAL SANTOS CITY- Padayon pang giimbestigahan sa kapulisan ang natigayon nga pagpamusil patay sa tricycle driver sa Prk 4 Crossing Palkan, Polomolok, South Cotabato.
Giila ang biktima nga si Dominador Baldado, 59 anyos, residente sa Brgy. Koronadal Proper, Polomolok.
Samtang samdan ang usa niini ka pasahero human naangin sa pagpamusil.
Gikabutyag nga nakamotorsiklo ang mga namusil ug migamit ug caliber 45 pistol, base sa narekober nga duha ka empty shells sa crime scene.
Sa karon padayon ang pagpangalap ug dugang impormasyon sa Polomolok Municipal Police Station aron mailhan ang mga responsable nga nakamotorsiklo dihang gitiro ang biktima.
