GENERAL SANTOS CITY – Patay ang usa ka traysikel driver human nga gipusil sa nakamotorsiklo sa Prk. Kasilak Silway Brgy Dadiangas West ning dakbayan, area of responsibility sa Pendatun Police Station.
Giila ang biktima nga si Virgilio Dakay, 50 anyos, residente sa Riverside Fatima Silway, sa maong barangay.
Dead on the spot ang nasampit human nga nakaangkon ug unom ka samad pinusilan, upat sa ulo og duha sa dughan niini nga maoy hinungdan sa iyang hinanaling kamatayon.
Basi sa mga nakasaksi, alas 4:00 kagahapon sa hapon, gisulod sa duha ka suspek a ng balay sa biktima kon asa miadto ang usa sa likod sa kusina.
Gipangutana sa suspek ang kapuyo sa biktima nga si Bebi Dela Rosa kon aduna bay nagpuyo sa ilaha nga Tata kon asawa mitubag kini nga wala.
Apan minuto ang nilabay migawas gikan sa sala ang biktima ug didto gipusil kini sa usa pa ka suspek.
Nahimong lookout sa duha ka suspek ang driver nila nga nagpaabot sa gawas nga bahin sa balay.
Gikabutyag nga nakataptap ug nawong mga suspek nga paspas nga misibat sa lugar human ang pagpamusil..
Sa pahayag sa kapuyo nga buotan ang biktima og wala nalambigit sa droga hinungdan nga nahibulong nganong gipusil ang nasampit.
