GENERAL SANTOS CITY – Dili lamang sa law enforcement operation kon dili nalambigit usab ang kapulisan sa pagprotekta sa kinaiyahan.
Kini ang gibutyag ni PSupt. Romeo Galgo human nagmalampuson ang gipahigayon nga tree planting activity og walk for the environment sa Police Regional 12 kagahapon alayun sa gisaulog nga World Environment Week.
Gisalmotan kini sa mga pulis sa PRO-12 lakip niini ang mga City ug provincial directors ingon man mga stakeholders.
Matud ni Supt. Galgo, lima ka metros ang gibaktas sa kapulisan gikan sa Fisport paingon sa headquarter.
Gisundan kini sa pagtanum sa bisinidaad sa PRO-12 og mga nagkadaiyang matang sa kahoy sama sa lubi.
Samtang gibutyag sa opisyal nga nagpadayun gihapon ang kapulisan sa pagpatuman sa Oplan Sumvac kon Summer Vacation.
Matud pa, ang tanang areas sa Rehiyon dose nga adunay mga dakong kasaulogan ang nagpatuman og hugot nga seguridad.
Sa mga tourist destination, gipa-reactivate ang tourist police, police assistance desk og nagpahigayon og pagpatrolya.
Ingon man nagbutang og kapulisan sa mga kaliguanan.
