GENSAN CITY – Halos 10,000 ka punoan sa kahoy ang gitanom sa tree planting activity nga giorganisa sa Civil Service Commission (CSC) uban ang Department of Environment and Natural Resources (DENR).
Tumong niini dili lang nga makapananom og mga punoan sa kahoy apan makatigom usab og pondo alang sa Pamanang Lingkod Bayani Program sa maong buhatan kung asa maghatag ug suporta sa mga pamilya sa civil servants nga mipanaw na.
Ang maong aktibidad gipahigayon sa Sarif Mucsin Mangrove Sanctuary, sa dakbayan sa Heneral Santos City nga gisalmotan sa mga empleyado sa Department of Trade and Industry-General Santos City og uban pang stakeholders.
Kabahin usab ang maong kalihokan sa national greening program sa gobyerno kung asa maghatag ug importansya sa pagkonserba sa kinaiyahan.
